Blog

九龍城泰菜以外:燦記路邊雞海鮮飯店

by Wai Wai | | 0 comments


嚟到九龍城,唔係一定要食泰國菜,今次就試吓價錢合理、慶功宴必去的燦記路邊雞海鮮飯店。

一入餐廳,對我來說最吸引嘅就係個有兩條魚的鐘,一來十分少見,二來同海鮮飯店十分合襯。


裝修簡潔而溫暖,就算近入口的「切雞」部,完全沒有油膩的感覺。


籠仔蒸蝦飯


我們二人叫了兩餸一飯一湯,分別是籠仔蒸蝦飯、蠔仔煎蛋、路邊雞半隻和南北杏海底椰燉豬「展」湯。

魚露的味道是我對這餐廳最深的印象之一,本來我期望籠仔蒸蝦飯的飯會有吸收一些蝦味,飯一入口但竟然給魚露的味道佔領了,而蝦可能蒸的得太久,口感都不太彈牙了。籠仔蒸蝦飯的賣相很好,但味道不如外觀的好。

 


路邊雞(半隻)


路邊雞應該是這裡的王牌吧,的確無得輸,雞肉鬆軟而彈牙,皮、油、肉的層次分明,如女士怕肥,在這裡可以輕鬆的將三者分隔,但我會建議三層一起食,因雞皮和脂肪帶出雞香太吸引喇。薑蓉有強烈的魚露味,相信魚露係呢間餐廳最大的調味特色。


蠔仔煎蛋


蠔仔煎蛋的賣相雖然不佳,但味道不錯 。蠔的數量多啲就好喇,如果覺得廟邊的炸蠔餅太熱氣就試吓呢度嘅蠔仔煎蛋 ,送飯一流。(附上魚露汁作調味)


南北杏海底椰燉豬「展」

聽聞不少人因燉湯而來,看起來用料足,湯也好喝,不肯定有否落味精,求高手賜教。
「展」的肉夠軟,湯渣照食可也。

總括而言,以上的我會推介路邊雞和蠔仔煎蛋,有機會再去。 

 



燦記路邊雞海鮮飯店
地址:九龍城南角道38-40號
電話:2716 1063

Tags: chicken, dining, Hong Kong, Kowloon City, local, seafood, 九龍城

Leave a comment

Please note, comments must be approved before they are published