官富場

(image source: http://www.panoramio.com/photo/89803268)

無獎問答遊戲，邊度係「官富場」?
話說香港有個地方以前係官方鹽場, 又叫「官富場」, 又有人叫佢做「官富鹽塘」, 由當時鹽官管理。當然最後呢個鹽場緊係收左檔啦, 但係就為呢個地區帶黎左個新名「官富」，叫叫下就叫左做「官塘」。到左1953年，政府將呢度發展為工業中心，個名開始用「觀塘」嘞。工業到而家香港緊係收檔啦，但呢D咁原汁原味既工業大廈隨住咩都要活化下又有D野睇下嘞。(其實活化做得最差果個係加化文)

今次我地同大家去睇華記木廠，左果間野野。(Btw, 如果呢間鋪頭個招牌可以好似華記木廠咁手寫應該仲正!)

赤蕓，一間由中國瀋陽工廠生產既牛仔衣服專門店。睇鋪人士好有耐性既同我介紹佢地既牛仔料由新疆長絨棉所製造，可以令牛仔衣物更加舒適。不過職業病既關係, 本人好鍾意門果個門口手畫中文字, 好有香港北魏楷書招牌 FEEL。另外記著去睇睇佢部YKK 古董打鈕門機, 個綠色好正。雖然果品牌係瀋陽, 不過同睇鋪人士傾傾下其實大家都好感慨香港本身係製衣王國, 不過一個香港出名既牛仔衣服都冇, 共勉之。