冇錯, 今日同大家講拜山。由細到大, 唔知係未睇得多彊屍先生定聽得多恐怖熱線，D墓地一定係陰陰沈沈，冇咩生氣，D樹葉又緊係冇啦啦有陣怪風吹到’發發’聲。不過呢D對墓地既認知，晌今個清明有個180度既轉變，因為我老豆老母帶左我去左國立拜山美術館。

冇錯，唔講真係以為去左日本果D國立美術館。實情係粉嶺和合石橋頭路靈灰安置所。外型簡約，以水泥為主，四四方方，有好似一支支香咁既木條在外牆上，又可以通風又可以有陽光射到。雖然呢個靈灰安置所晌2012年已經用緊，不過當自己親臨呢度，先覺得原本靈灰安置所其實都可以好舒服，令人個心好平和。

* 呢個水泥香燼有D酒吧吧枱feel
即係咁，有好多野無論係一棵建築物，一支筆，一塊布定一堆石頭，經過設計，會展現出不同既感覺。特別係將呢d最傳統既野用d 現代手法去表達仲正。
*如果你得閒冇野做可以去和合石睇下架