今日要同大家講既係影樓，冇錯係唔少香港80後都應該冇去過既影樓(包括我)。以前去影樓影相唔容易，一來收費唔平，二來通常都係大時大節一家人咁影。但以前既人就係因為咁，佢地對上影樓影相更加珍惜，因為難得一家團聚，難得大家開開心心，更重要係今次影完唔知仲有冇機會再影，好似D菲林一樣，影完就冇得delete再影過。
美姿華，位於香港仔唐樓中已經超過五十年。影樓所有既擺設同以前一樣，而且以呢d真實既場景，道具，比現今咩都可以photoshop 來得更真實。咁好嘞，大家都覺得影樓係d老土野既時候我上去又做咩呢?
冇錯嘞，就係一斑同事黎個懷舊look相集。叔叔其實都已經80幾歲，但佢仍然自己一個人set 燈, 睇位, 拎機影相。而且叔叔仲同我地講佢既工作唔單單影相，仲要令佢地自然由衷咁笑，咁張相先會靚。叔叔一直同我地傾左2個鐘都有。希望大家有時間可以去叔叔到，佢除左呢d場景相之外，都仲有證件相影既。
美姿華攝影室 Beauty Studio
電話/ Tel: 2552 6456
地址/ Address:香港仔大道 210號 2樓 a室 / Room 1A, 210 Aberdeen Main Rd, Aberdeen, Hong Kong