每逢聖誕,尖東一定塞到水泄不通,但其實平日夜晚行尖東就好寫意喇,加上近日天氣不冷也不熱,散步跑步吹水的人都啱。

下年係猴年,所以今年有不少猴子和聖誕老人為主題的燈飾。講真,細個個時阿爸呀媽年年都會帶我嚟睇,今年一個人靜靜的在這裡走,別有一番味道呀。

其實現在的尖東已經不及97前咁繁榮喇,雖然大富豪夜總會無咗,但都仲係好有90年代嘅味道,好似呢個貴族桑拿的霓虹燈咁,仲保養得好好。依家香港的霓虹燈已到夕陽喇,以後係街見到都要望多幾眼。

呢種又賣生果又賣酒水士多都係8,90年代的產物。舊區限定,係新發展的商住地區都容不下這種小店,可惜。

 

 

尖沙咀東部 (尖東燈飾/East Tsim Sha Tsui 

尖東站P2出口步行3分鐘/3-minute walk from East Tsim Sha Tsui MTR station exit P2